A life in our planet
David Attenborough fer yfir áhrif hlýnun jarðar á dýralíf og náttúruna okkar um allan heim. Hann segir frá dýrategundum sem við höfum útrýmt og hvernig framtíðin mun lýta út ef við bregðumst ekki við. Hann fer einnig yfir hvað við getum gert til að hafa jákvæð áhrif á jörðina okkar.
Myndina má finna á Netflix
Hér má finna lista yfir bíómyndir sem gott er að kynna sér í veganúar:
Dominion
Mynd sem fjallar um hvernig dýr eru notuð í fataiðnaði, til skemmtunar og dýraprófana í læknavísinda- lyfja- og snyrtivöruiðnaðinum, og hvernig dýr eru notuð til matvælaframleiðslu.
The Game Changers
Myndin fjallar í stuttu máli um hvaða áhrif plöntumiðað mataræði hefur á getu og hæfni íþróttafólks. Í myndinni fylgjumst við með James Wilks sem er fyrrverandi UFC bardagakappi og sérsveitarþjálfari. Hann ferðast um heiminn til að kynna sér mýtur um kjöt, prótein og styrk. Hann talar m.a. við vísindamenn og íþróttafólk sem skara fram úr í sinni grein og eiga það sameiginlegt að vera vegan. Að baki myndinni eru stór nöfn í skemmtana- og íþróttaheiminum, svo sem Arnold Schwarzenegger, Jackie Chan, James Cameron og Novak Djokovic.
Okja eftir Bong Joon-Ho (Parasite)
Þessi ævintýramynd sem er með vísindaskáldsögulegu ívafi fjallar um stúlku sem gerir allt til þess að koma í veg fyrir að fyrirtæki læsi klóm sínum í vin hennar sem er mjög hárugt skrímsli. Með aðalhlutverk fara þau Tilda Swinton, Jake Gyllenhaal, Lily Collins og Paul Dano. Netflix framleiðir myndina.
https://www.netflix.com/is/title/80091936
Vegan 2020 er eins og nafnið gefur til kynna nýjasta myndin um veganisma. Hún fjallar um uppruna og áhrif kórónuveirunnar á dýraafurðaframleiðslu og neysluvenjur fólks í kjölfarið.
Mjög áhugaverð heimildarmynd, passlega stutt og hægt að sjá frítt á Youtube.
Cowspiracy
Myndin fjallar um umhverfisáhrif kjötframleiðslu og hvernig umhverfis- og náttúruverndarsamtök hafa ekki staðið sig í því að fjalla um umhverfisáhrif þessa iðnaðar. Þetta verður í fyrsta skipti sem náttúruverndarsamtök á Íslandi láta sig þennan málaflokk varða.
Myndina má finna á Netflix og hér á youtube:
https://youtu.be/AbV4t23YdwU
Earthlings tekur á ótrúlega víðu sviði, allt frá sláturhúsum, tilraunum á dýrum, framleiðslu á gæludýrum og svo notkun okkar á pelsum og leðri. Myndin sem er talsett af Joaquin Phoenix kom upphaflega út árið 2005 og hefur hún hlotið nokkur verðlaun í flokki heimildarmynda. Myndin tók um 5 ár í framleiðslu og er notast mikið við faldar myndavélar.
Myndin er ekki fyrir viðkvæma.
Blackfish
Heimildarmyndin Blackfish fjallar um hörmulegar afleiðingar þess að halda háhyrningum föngnum og nota sem sýningardýr, eins og tíðkast víða um heim. Í myndinni er fjallað um háhyrninginn og sýningardýrið Tilikum sem varð þremur mönnum að bana, m.a. háhyrningaþjálfara árið 2010. Höfundur myndarinnar er Gabriela Cowperthwaite. Metacritic: 83/100
Forks over knives
Myndin fjallar um jákvæð áhrif þess að vera á whole food, plant based fæði. Í myndinni er rætt við sérfræðinga í vegan næringu og m.a. Dr. T. Colin Campbell lífefnafræðing en hann mælir með að forðast allar dýraafurðir og tengir neyslu dýrapróteina við krabbamein og beinþynningu. Hann er einn af höfundum bókarinnar The China Study sem byggð er á víðamikilli rannsókn sem framkvæmd var af Oxford háskóla og Cornell háskóla yfir 20 ára tímabil
Hún varpar ljósi á það hvernig mataræði tengist sjúkdómum og hvort að við getum minnkað hættu á þeim með breyttu mataræði og jafnvel snúið þeim tilbaka!
What the health
Myndin fjallar um jákvæð áhrif plöntumiðaðs fæðis bæði á líkamann okkar sem og plánetuna. Myndin rýnir einnig í trega heilbrigðisstofnana og næringasamtaka til að benda á neikvæðu áhrif þess á heilsu okkar að neyta dýraafurða.
Myndina má finna á Netflix og hér á youtube:
https://youtu.be/X1QDkpUPiI8
Fleiri myndir sem hægt er að nálgast á streymisveitum:
Hogwood
A modern horror story (2020) Leynimyndataka innan úr breskum verksmiðjubúum.
Amazon Prime, Google Play, Apple TV https://www.imdb.com/title/tt12185108/
Kindred Creatures (2020)
Fjallar um líf húsdýra og dýraathvörf. Amazon Prime, Apple TV https://www.imdb.com/title/tt11152854/
Butenland (2020)
Þýsk kvikmynd um bónda sem breytir bóndabæ sínum í dýraathvarf. Amazon Prime https://www.amazon.com/Butenland-Jan-Gerdes/dp/B08F216ZM7
Nureongi (2020)
Fjallar um hundaát í S. Kóreu. Amazon Prime, Google Play, Apple TV https://www.imdb.com/title/tt13097632/
Countdown to Year Zero (2019)
Áhrif loftslagsbreytinga á dýralíf. Amazon Prime, Google Play, Apple TV https://www.imdb.com/title/tt11094420/