Niðurstöður úr könnunum sýna að heilsa er næstalgengasta ástæða þess að fólk gerist vegan. Ekkert kólesteról er að finna í jurtaríkinu og veganismi getur stuðlað að bættu jafnvægi líkamsþyngdar, lækkað blóðþrýsting og dregið úr líkum á sykursýki og hjartasjúkdómum, svo eitthvað sé nefnt.

Sífellt fleira fólk tekur þá ákvörðun að hætta neyslu dýraafurða til að berjast gegn hinum ýmsu heilsufarsvandamálum. Önnur segja frá bættri heilsu í formi meiri orku og frískleika og halda því fram að þeim hafi aldrei liðið betur. Sögum af árangursríkum vegan íþróttastjörnum fjölgar og veganismi fær reglulega heilsutengda umfjöllun í fjölmiðlum.

Það að fá öll helstu næringarefnin úr fæðunni er auðvelt þegar þú ert vegan. Þú þarft bara að vita hvar þau er að finna og samfélag vegan fólks á Íslandi er allt af vilja gert að vísa þér veginn. Fjölbreytt vegan fæða er lykilatriði. Góð þumalputtaregla er að borða á hverjum degi alla liti regnbogans og tryggja, eins og langflestir Íslendingar þurfa að gera óháð mataræði, að þú fáir nóg af d-vítamíni og b12.

Frábær síða til að afla sér upplýsinga um næringu á vegan mataræði er: